Guddomiyaha gobolka Bay Md. Maxamed Cali Aden (Qalinle) oo la hadlay Haweenka gobolka.
BAYDHABO Dec 13, 2000 (BP)- Guddoomiyaha G/Bay Md.Max,ed Cali Aadan (Qalinle) iyo Gudd Degmada Xasan Macalin Axmed (Biikalo) ayaa xaley ka qeyb galey shir lagu qabtey Xarunta Ururka Haweenka ee Magaalada Baydhabo.
Shirkaas oo ayaa waxaa ka soo qeybgaleen Ururada Haweenka heer Gobol iyo mid Degmo waxaana looga hadlay sidii kor loogu qaadi lahaa aqoonta Haweenka, Caafimaadka, Dhaqaalaha iyo sidii ay Haweenku uga qeyb qaadan lahaayeen wacyi galinta Bulshada iyo Dhalinta soo koreysa, maadaama ay yihiin furaha Bulshada.
Hadal uu goobtaasi ka jeediyey G/Gobolka Bay Md.Max,ed Cali (Qalinle) ayaa waxa uu ku sheegay in la doonayo in Haweenku ay u noqdaan tusaale Bulshada inteeda kale si loogu daydo ayna ka qeyb qaataan hawlaha sida Nabad gelyada, toosinta ubadka iyo sare uqaadida Nadaafada, intaasi kadib waxaa isna ka hadlay shirkaas G/Degmada Xasan (Biikalo) wuxuuna uu ku guubaabiyey Haweenkii ka soo qeybgalay kulankaas in ay kaalintooda ka soo baxaan.
(BAYDHABO PRESS)
|