Md. Dr. Xasan Maxamed Nur [Shaargaduud] oo hambalyo u diray Madaxweynaha dalka Mareykanka

Gudomiayah Ururka RRA Md. Dr. Xasan Maxamed Nur [Shaargaduud] oo hambalyo u diray Madaxweynaha dalka Mareykanka.

Addis-ababa Dec 30, 2000 (BP)- Guddomiyaha Ururka RRA Md. Dr. Xasan Maxamed Nur [Shaargaduud] ayaa todobaadkan hambalyo u diray Madaxweynaha cusub ee dalka Mareykanka Md. Gearge. W. Bush. isaga oo ugu hambalyeyay xilka cusub ee loo doortay.

Guddomiyuhu waxaa kale oo uu warqadiisa ku xusay kuna ammaanay talaabadii taarikhiga ahayd ee uu qaaday Madaxweynihii hore ee dalka Mareynkanka Bush sanadihii 1992 dii ila 1993-dii ka dib markii uu soo diray 30,000 oo ciddamo Mareykan ah si ay u bad baadiyaan shacabkii Somaaliyeed ee u gacan galay CAYDID gaar ahaan Qowmiyada Digil iyo Mirifle oo si naxriis daro ah kana baxsan caqliga iyo bani,aadanimda loo xasuuqay ayna ku sigteen in la waayo oo ay tirtirmaan.

Waxaa kale oo uu guddomiyaha Ururka RRA xusay sida uu uga xunyahay 18 kii askari ee ka tirsanayd askarta Maareykanka ee lagu dilay Somaaliya iyaga oo u yimid in ay wax u qabtaan Somaali dhiban.


(BAYDHABO PRESS)