SHIRWEYNAHA QOWMIYADA DIGIL IYO MIRIFLE EE MAGAALADA LODON U.K
TAARIKHDU MARKAY AHAYD 4TA BISHA MAARSO EE SANADKA 2001 , WAXAA MAGAALADA LONDON EE DALKA BOQORTOOYADA INGRIISKA LAGU QABTEY SHIRWEYNE MUHIIM AH , OO LOOGA DOODEY DANAHA QOWMIYADDA DIGIL IYO MIRIFLE EE KU WAJAHAN SIYAASADOODA IYO XAL U HELIDA DHIBAATOOYINKA LAGU HAAYO QOWMIYADAASI.
SHIRKAAS OO SI HAGAR LA,AAN AH U SOO AGAASIMEEN ODEYAASHA QOWMIYADDA DIGIL IYO MIRIFLE OO KU NOOL MAGAALADA LONDON, WAXAA KHUDBADO DHAXAL GAL AH EE TILMAAMEEY XAQQA AY UMMADDAASI LAGA DUUDSADEY KA SOO JEEDIYAY SALAADIINTA ,MALAAQYADA, NABADDOONADA IYO SIYAASIYIIN RUUGCADDA AH EE KA TIRSAN QOWMIYADA DIGIL IYO MIRIFLE IYAGOO ISLA MARKAAS U QEEXEY XAL U HELIDA DHIBAATOOYINKAAS IYO MUSIIBADA LAGU HAAYO QOWMIYADDA.
SHIRKAAS OO SHIR GUDOOMIYE KA AHAA DR CALI MAXAMED (APPOLO), WAXAA SIDA CAADADA U AHAYD LAGUNA YAQAAN QOWMIYADAHA DIGIL IYO MIRIFLE LOO DHEGEYSTEY KHUDBADAHA SI WANAAGSAN OO ASLUUB IYO ISQADDARIN KU DHEEHAN TAHAY IYADOO QOF KASTA KA HADLAAYEYE AJENDA MIRADHAL U AH QOWMIYADDA KUNA SALAYSAN XAQQA IYO XAQIIQDA MAANTA KA TAAGAN DALKEENA , DOOD DHEER IYO IS QANCIN KA DIBNA WAXAA SHIRKA KA SOO BAXAY BAAQANI:-
1. IN LA XOOJIYO MEELNA LOOGA SOO WADA JEESTO MIDNIMADA QOWMIYADDA DIGIL IYO MIRIFLE , LANA XAQIIJIYO SHARAFTOODA.
2. IN TAAGEERO HIIL IYO HOOBA LOO FIDIYO MADAXDA D&M IYO JABHADAHA KU HAWLAN XOREYNTA DHULKA QOWMIYADDA DIGIL IYO MIRIFLE.
3. IN LA GAARSIIYO CODKA QOWMIYADDA DIGIL IYO MIRIFLE DHAMAAN DAWLADAHA CAALAMKA ,IYO URURADA CAALAMIGA SIDA (UN,OAU,ARAB LEAGUE ,IGAD, EEC ,IYO ICO)
LOONA DOODO XUQUUQDOODA OO MUDDO DHEERBA LAGA BEEN ABUURTEY.
4. IN LA DEDEJIYO XOREYNTA DHULKA QOWMIYADDA DIGIL IYO MIRIFLE OO WELI QORI CAARADIISA AY KU HAAYSTAAN BURCAD HUBEYSAN.
5. IN LA XOOJIYO TAAGEERADA QAABKA FEDERAALIGA AH EE KU SALEYSAN DHALASHO IYO DEEGAAN LANA TIXGELINAAYO DERESNIMO WANAAG IYO WADANOOLAASHO IYADOO LAGU DHAQMAAYO XEERKA U YAAL DADKA DEGGANKA DEGEN SI LOO SOO AFJARO SIYAASADHII HORE EE AY SOOMAALIDA AAN JECLEYN WAX SOO SAARKA KU ADDOONSAN JIREEN DADYOWGA U HASHEY DIGIL IYO MIRIFLE IYO KUWA SIDA NABADDA AH KULA NOOLAAN JIREEN DALKA.
SHIR GUDOOMIYE DR, CALI MOAXAMED MOXAMUD (APOLLO) OO KU SOO GEBAGEBEEYEY SHIRKAASI WAXAA UU MAHADNAQ BALLAARAN U JEEDIYEY SALAADIINTA , MALAAQYADA , NABADDOONADA , INDHEERGARADKA IYO GUUD AHAAN INTII KA SOO QEYBGASHEY SHIRKA WUXUUNA KU BARAARUJIYAY INEY KA DIGTOONAADAAN KHILAAF DHEX MARA SI LOO GAARO UJEEDADA XAQQA AH EE QOWMIYADADDA DIGIL IYO MIRIFLE IYADOO AAN HABA YARAATEE LA DULMIN DADKA KALE EE SIDA NABADA AH LA WADA NOOLAAN JIREY WELIGOODBA LAGANA SOO QEYBGELIYO HALGANKA XAQQA AH.
YASIN ABICAR
|