SHIRKII LABAAD EE QOWMIYADDA DIGIL IYO MIRIFLE AYAA LAGU QABAN DOONA LONDON, UK

SHIRKII LABAAD EE QOWMIYADDA DIGIL IYO MIRIFLE AYAA LAGU QABAN DOONA LONDON, UK

LONDON MARCH 25, 2001 (BP)-WAXAA DHAMAAN SHACBIGA KU ABTIRSADA QOWMIYADA DIGIL IYO MIRIFLE MEEL KASTA OO EY KU SUGAN YIHIIN DALKA GUDIHIISA IYO DIBADIISA LAGU WAR GELINAYAA IN MAR LABAAD SHIR LAGU QABAN DOONO MAGAALADA LONDON EE DALKA INGIRIISKA.

SHIRKAAS OO EY ISUGU IMAAN DOONAAN DHAMAAN QOWMIYADA DIGIL IYO MIRIFLE OO KA KALA SOCDA DALALKA WAQOOYIGA AMEERICA,YURUB,CARABTA,AUSTRALIA,AFRICA, WAXAA KALOO LAGU MARTI QAADEY SHIRKAAS GUDOOMIYAHA DIGIL IYO MIRIFLE GAASHAANLE SARE DR. XASSAN MAXAMED NUUR ( SHAATI GADUUD ) IYO WAFUUD SARE OO UU HOGAAMINAAYO, WAXAA KALOO SHIRKAAS IMAAN DOONO INJ. MUNYE SAYID CUMAR OO KAGA JIRA SAFKA KOOWAAD QADIYADA DIGIL IYO MIRIFLE.

SHIRKAN WAXAA SOO QABAN QAABIYEY WAFDIGA DIGIL IYO MIRIFLE EE WAQOOYIGA AMEERIKA KA DIB MARKII EY KALA TASHADEEN SALAADIINTA,NABADOONADA,INDHEER GARADKA,CULUMAAUDIINKA,HAWEENKA,DHALINYARADA, IYO SIYAASIYIINTA QOWMIYADA DIGIL IYO MIRIFLE OO KU NOOL DALKA GUDIHIISA IYO DIBADIISA.

SHIRKAAS WAXAA LOOGA HADLI DOONAA HADDII UU ILAAHEY RAALI KA NOQDO ARIMAHAN HOOS KU QORAN.

1- MIDNIMADA QOWMIYADA DIGIL IYO MIRIFLE IYO SHACBIGA KALE EE SIDA NABADA AH KULA NOOL DHULKOODA.

2- SIDII LOO XOOJIN LAHAA MEELNA LOOGA SOO WADA JEESAN LAHAA TAAGEERADA QADIYADA IYO MADDAXDA DIGIL IYO MIRIFLE.

3- SIDII LOO SOO DHAMEYN LAHAA KHILAAFYADA YAR YAR EE LAGU DHEX ABUUREY QOWMIYADA, IYO IN LA ABUURO KALSOONI WAARTA OO DHEX MARTA QOWMIYADA DIGIL IYO MIRIFLE SIDII HOREY LOOGU OGAA.

4- INEY QOWMIYADA DIGIL IYO MIRIFLE QEEXATO QAABKA SIYAASADEED EE AY DOONEYSO INEY KU DHAQANTO MUSTAQBALKLA, IYADOO LA DHOWRAAYO MABAADII'DA DERISNIMO WANAAG IYO NABAD KU WADA NOOLAASHAHA.

5- SIDII LOO GAARSIIN LAHAA CODKA QOWMIYADA DIGIL IYO MIRIFLE DOWLADAHA ADUUNKA, UN,EEC,OAU,IGAD,A.L IYO URURADA KALE EE DANEYNAYA SIDII XAL LOOGU HELI LAHAA SIYAASADA SOOMAALIYA.


FIIRO GAAR AH:- WAXAA DHAMAAN DADKA DOONAYA INEY KASOO QEYB GALAAN SHIRWEYNAHAN LAGU WARGELINAYAA IN TAARIIKHDA IYO IYO GOOBTA LAGU QABAN DOONO SHIRWEYNAHAN SIDA UGU DHAKHSIYAHA BADAN UGA HELI DOONTAAN WARGEYSYADA, RAADIYAYAASHA, WEBSIDYADA KALA DUWAN EE EY LEEDAHAY QOWMIAYADA DIGIL IYO MIRIFLE IYO URURADA KALE EE TAAGEERSAN QADIYADOODA.

MAHADSANIDIIN

YAASIIN ABICAR
E-Mail: beydhabo@usa.net