BAAQ TAAGEERO AH OO AY SOO SAAREEN QOWMIYADDA DIGIL IYO MIRIFLE EE AMEERIKADA WAQOOYI.
TORONTO August 23, 2001-Shir ay yeesheen Odeyaasha , Salaadiinta , Malaaqyada Siyaasiyiinta Indheergaradka Haweenka iyo Dhallinyarada Qowmiyadda Digil iyo Mirifle ee ku nool Ameerikada Waqooyi taariikhda markey ahayd 22/8/2001 , waxaa si qoto dheer looga wada hadley arrimaha siyaasadeed , nabadgelyo iyo dhaqaale ee ku wajahan dalka Soomaaliya guud ahaan , gaar ahaanna dadka iyo deegaanka Qowmiyadda digil iyo Mirifle iyo inta kale ee la degan deegaankaas.
Dood dheer oo ku saleysan dhabta iyo xaqiiqda xaaladaha deegaanka qowmiyadda Digil iyo Mirifle iyadoo la dhowraayey aragtida ku saleysan mabaadi’da Dimoqraagiga ahi lana dhegeysanaayey aragtiyada kala duwan ee ka soo qeybgalayaasha ayaa waxaa ay soo saareen BAAQANI :-
1. IN SI BUUXDA LOO TAAGEERO SHIRKII AY QOWMIYADDA DIGIL IYO MIRIFLE KU YEESHEEN MAGAALADA LONDON EE UK , 22/8/2001.
2. IN LA XOOJIYO WACYI-GELINTA QOWMIYADDA DIGIL IYO MIRIFLE DALKA GUDAHIISA IYO DIBEDDIISABA , LAGUNA BURAARUJIYO INAY ISKA DIFAACAAN TUUGADA HUBEYSAN EE DALKOODA SIDA DULMIGA AHI AY KU GUMEYSTAAN.
3. IN MEEL LOOGA SOO WADAJEYSTO DULMI ABUUREYAASHA DOONAAYA INAY KALA DHANTAALAAN MIDNIMADA QOWMIYADDA DIGIL IYO MIRIFLE , DHIDIBADANA LOO AASO ISKU DUUBNIDA QOWMIYADDA DIGIL&MIRIFLE.
4. IN SI BUUXDA LOO TAAGEERO JABHADAHA U HALGAMAYA XOREYNTA DEEGAANNADA DIGIL IYO MIRIFLE OO HORMUUD U AH RRA IYO MADAXDEEDA DR. HASSAN M. NUUR (SHAATI GADUUD) , KU XIGEENNADIISA SHEIKH AADEN MADOOWE IYO MR. MAXAMED IBRAAHIM XAABSADE IYO INTA KULA JIRTA HALGANKA DALKA GUDAHIISA IYO DIBEDDISABA SIDA COL. MUKHTAAR XAAJI MUNYE IYO COL. AXMED MAYOW (RUUSH) IYO INJ. CALI GANEY IYO SARAAKIISHA KALE.OO AAN HALKANI KU SOO KOOBI KARIN.
5. IN LA TAAGEERO DADAALKA DHEERAADKA AH EE AY WADAAN QOWMIYADDA DIGIL IYO MIRIFLE EE DALKA INGIRIISKA OO AY HORMUUDKA U YIHIIN DR. AWEYS AMIIN SHEIKH , NABADOON ABA-SHEIKH ABU MUDHIR , SUL. CABDULLAHI SHEIKH , MALAAQ SHEIKH AADEN , NAB. RASHIID UUNNEY , INJ. CABDIRASHIID XAAJI XASSAN , INJ. CABDIRASAAQ, SHARIIF SWEEDEN , IYO ISMAACIIL ABUUKAR DONAATI.
6. WAXAA KALE EE QOWMIYADDA SI BUUXDA U SOO DHOWEYSEY TALOOYINKII WAX KU OOLKA AHAA EE AY SOO JEEDIYEEN SIYAASIYIINTA KALA AH DR. MAXAMED SHEIKH XASSAN TUNNI IYO DR. CABDISALAAM SHEIKH XUSSEN .
7 UGU DAMBEYNTII WAXAY QOWMIYADDA UGU BAAQDEY DIGIL IYO MIRIFLE INAY SI BUUXDA U TAAGEERAAN URURKA SIYAASIGA AHI EE SRRC , AYNA DHOWRAAN DERESNIMO WANAAGGA DADYOWGA KU DHEXNOOL DEEGAANKA DIGIL IYO MIRIFLE UNA HORSEEDAAN DIB U DHISIDDA DALKA SOOMAALIYED OO SI BAREER AH LOO BURBURIYEY IYADOO SALDHIG LOOGA DHIGAAYO QAABKA FEDERAALIGA AH OO AH XALKA KELIYA EE NABAD LOOGA SOO DABAALI KARO SOOMAALIYA.
DR. XASSAN XAJI ABUKAR
GUD. DIGIL&MIRIFLE W.AMEERIKA.
DR. CALI MAXAMED(APOLLO)
LA TALIYAHA ISBAHEYSIGA SRRC.
[BAYDHABO PRESS]
|